Personaggi di Caorle

[sessoa e scoetta]

Ho appena letto un topic dell'aprile 2008 su Piero Gatina.

Ve ne conto una su Piero Gatina.
Tanti ani fa, vien a Caorle na me cugina dal Sudafrica, na bea dona de 35 ani, matura, distinta, chic (a sea tirava un fià insoma).
Na matina a ghe fa a me papà, (ch'el gaveva da lavorar): " io vado a fare un giro per negozi! Ci vediamo più tardi!"
Dopo un'oreta a torna duta rossa in viso e a ne conta: che a xe capitada in un negosieto, la in fondo al rio terà xo par na cae, a entra e a vede un mucio de anticaglie. A ghe domanda al paron, un veceto picinin duto liso e anca un fià imbriago, "senta, sto cercando qualcosa di veramente antico", indrioman st'altro el se tira so e braghe e anca e mudande, e el ghe fa co un soriso stampà: "signora queo che go de più antico xe sto qua, se ghe interessa?"

Pode imaginarve, mi son da sconderme parchè no son riussio a trattegnerme, me papà invese anca e me cugina che prima a jera duta scandaizada aea fine
a ridesto anca ea. Manco mal!
Memorabile!

[elmoromarieto]

Na volta sto schersetto qua, però, lo ga fatto anca davanti a na putea e i genitori lo ga denuncià. Quando xe andà i carabinieri a torlo in botega, noaltri gerimo drio bever un'ombra aea taverna "Al Porto" e lu passandone davanti el ga dito : "Fioi xe meio esser portai via da do carabinieri che da un prete !".

Ma dato che semo drio parlar de Piero Gatina, ve ricordo 2 massime che el gaveva scrito:

"Se tua moglie ti tradisce, vieni da Piero che ti capisce !"

" Conosco le donne, per questo amo le vipere !"

Ciao.

[mitica caorle]

   certo che lexer sti post dee volte xè veramente divertente !    proprio un personaggio unico sto Piero Gatina !  ahahah pensa che scena    ga proprio da averla scaturìa sta to cugina, Sessoa e Scoetta, da no creder .. !   

[elmoromarieto]

Su Piero Gatina voevo contarve anca quea de a Kodak. A Kodak un giorno a gà organisà un convegno a Caorle fra fotografi par reclamisar i so prodoti e aea fine del convegno tuti i presenti, co do modee brasiliane offerte daea Kodak, i xe andai a fotografar i cantoni più interessanti del Paese, parchè al tramonto ghe gera a luce giusta. E do modee brasiliane e gera na roba impressionante : do statue e anca vestìe pocheto ! Tuti ghe andava drio e se spintonava par fotografarle meio. Quando che el "corteo" el xe rivà vissin aea Antica Taverna al Porto, Piero Gatina el gera pusà al muro, col so traverson grigio topo, che el se riposava parchè tuto el giorno nol gaveva fato gniente ( anca far gniente se se stufa). Co el ga visto e brasiliane el se gà messo de meso, prima par farse fotografar e dopo anca par palpàr! El modo de far che el gaveva, e espression del viso che el faseva, e batùe che el diseva, ga fato sì che tuti i fotografi i ga assà perder e brasiliane e i se ga messo a corerghe drio a Piero Gatina che el se ga fato fotografar in tute e pose e in tuti i posti più carateristici de Caorle. Se a Kodak lo gavesse conossùo prima, a sparagnava i schei dee modee !
Ciao.

[sessoa e scoetta]

hahahahahaha!
Si xe vero! Comunque in paese girava voxe, che el jera un sporcacion, sopraduto par via dea storia dea putea, sto fiol de un can! Pace all'anima sua!

[mitica caorle]

aaaaaaaaahhhhhhh da piegarse in do dae ridae   

Ti me ga fato sciopar anca ti, Elmoromarieto !   

Comunque si, certo, paxe all'anima sua   

[elmoromarieto]

Sempre su Piero Gatina, dovè savèr che el gaveva na bea mujer. Un giorno gerimo drio bever un'ombra, sempre da Walter Barbaro aea Taverna al Porto, el so secondo ufficio, e xe entrà un caorlotto co a lingua longa e na mujer bruta che el ghe ga dito: "Piero i dise in giro che te si beco !" e lu ghe ga risposto " xe meio magnar na feta de dolse in compagnia che, come ti, un rosegoto de pan da soi !"....Lo ga copà !

Se me ne vien in mente altre tornarò sull'argomento.
Ciao

[De-Milan]

Questa risposta e' fantastica

[elmoromarieto]

Concordo, De Milan. Diciamo che la risposta è anche consolatoria per chi dovesse patire situazioni analoghe !
Le statistiche dicono che il 55% delle donne è infedele. Tutti sperano di avere la donna che rientra nel 45% rimanente, ma se non dovesse accadere, bisogna guardare, come ha fatto Piero Gatina, il bicchiere mezzo pieno..........
Il colmo della sfiga sarebbe essere cornificati da "un rosegoto de pan" !
Ciao.

[socoeto]

 

[sessoa e scoetta]

Ve ne conto una su Italo Marchesan!
Un giorno, i lo ferma i carabinieri  di fronte al Rio, co a so Allfa 33 rossa.
Lori i vede come ch'el se ciapà, (lu, come al soito, el xe imbriago duro),  i ghe domanda a patente e i se o porta in caserma.
Dopo do giorni, sempre i carabinieri, i lo ferma de novo, e i ghe domanda a patente.
E lu, anca un fià incassa: "ma come, se ve a go dada che altro giorno"!

ciao

[elmoromarieto]

Na volta Italo Marchesan (meio conossùo come Italo madonamefulmina) el gera a caccia in canaeòn col so can che se ciamava Toby. Toby el gera in prora dea barca in posission de ferma parchè el gaveva visto dei masorini in acqua. Italo col stciopo in man el ga fermà el motor e ciapando a mira el diseva al can :
"Toby, sta xo co a testa", e intanto a barca no a stava ferma e Italo sempre ciapando a mira continuava: "Toby sta xo co a testa!" ma el can sempre in ferma no el se sbassava.....A un certo punto Italo el gaveva i masorini sul mirìn e no el voeva perder l'ocasiòn, anca se a barca no stava ferma. El struca el grieto e..Pam...Pam e el ghe staca ea testa al can.
" Toby, te gavevo dito de sbassar a testa !..."
Ciao.

[elmoromarieto]

Na volta el bar "Drizze e Scotte" el se ciamava "Autobar", co el distributor de benzina davanti. In quel posto se ritrovava na bea compagnia de fioi de bona dona, come Toni Sboreti (Savian), Perone (Sarto), e qualche altro. Par passar el tempo e tor in giro a gente i se ne inventava de tuti i coeori. Na volta i gera sentai fora, soto i ombreoni, e i se ga messo a pescar co na cana nel tombin in strada.
I gaveva preparà na sardea picada all'amo e i stava là a spetàr i baùchi de turno. Co se gaveva radunà un grupeto de curiosi che no i capiva cossa se podesse pescar dentro un tombin, ciapandoi par mati, i faseva finta che el pesse tirasse e col muinèl, pian pianin, i tirava sù a sardea e i la meteva nea secia in parte de a carega. Co a gente se disperdeva, i ligava naltra sardea e sensa farse veder i la caeava ancora nel tombin e a comedia ricomissiava.
No ve digo e ridàe ae spae de a gente.

[elmoromarieto]

Me ne vien in mente un'altra de Toni Sboreti. Siccome el gera sta testimone de na scassotada durante na partìa de gigia grega, el xe sta ciamà in pretura a testimoniar. El Pretor che el gera un teròn, naturalmente, el ghe dise : "ma mi spieghi.....cos'è la gigggia greggga?" (proprio co tre g come che parla eòri) e allora Toni el fa :" Siòr Pretòr, se xoga co un masso de carte. Chi fa el masso ghe dà tre carte a chealtro che el pol dir..VEGNA e sto qua el pol risponder...VADA.." a sto punto el Pretòr el fa "vada...vada ad accomodarsi" .....el gaveva rinuncià a capir !
Ciao.