EL VENERE SANTO

[ZULIAN]

Rispondo mi, parchè so a storia. Durante a prima guera mondiale tuti i caorloti i xe stai sfolati nel sud italia. Me bisnoni da parte de mama i jera andai a Rionero in Vulture, quei da parte de papà a Scalea, altri a Maratea (ou fioi che bel topic saria questo) bon. Francesco Gusso ( Santamore, bisnono  e Giovanna Marin so muger) i xe stai sfolati in un paese dae parti de napoi e xe stà la che i gà visto e procession co i baraboi.I ani i jera brutissimi e mario e muger Gusso i gà fato un voto: se i fusse tornai a Caorle sani e salvi i Santamore i se saria inpegnai a far i baraboi par senpre. E cussì xe stà.
Me contava me nona co a jera sfolata a Scalea, quando che i faxeva a poenta, par quei de Scalea i dixeva che quea porcheria i ghea dava ai porsei.

lo gaveva scritto zà ustro all'inizio del topic

[elmoromarieto]

Quei che noaltri ciamemo baraboi, che sarìa i incapucciati, xe na tradission che i spagnoi ga portà nel Regno de Napoli daea Spagna co i Borboni. Chi xe sta in Spagna a Settimana Santa el ga podùo veder che là ghe xe baraboi de tuti i coeori: neri, bianchi, rossi, ecc., ma no soeo, anca in terronia ghe xe i penitenti che i se frusta a sangue come in Spagna.
Proprio parchè i Santamore i xe stai sfoeài la xò durante a guera, i ga fato sua l'idea dei incapucciati e par fortuna i ga assà perder quea de frustarse a sangue !

Mi co gero picinin i me portava in procession e par farme star bon i me contava che i baraboi i caminava scalsi par far penitensa e incapuciai parchè i se vergognava da tanti pecati che i gaveva fato e no i voeva farse veder. Podè imaginarve che paura che i me faseva !

Ciao

[socoeto]

Oggi e anca doman renderemo onore riportando in voga sta tradission sotto il motto: "Meio bruxar un paese che perder nà tradission", grassie al gruppo xagheti, el sacrestan e a Gusso el forner. Tutti i ne vardava mal, ma per fortuna nissuni i ga ciamàò a neuro! I veci, come immaginavo i ne incitava a far casin!!

[mitica caorle]

GRANDE SOCOETO, CUSSì SE FA ! noialtri tra vinti minuti partimo per Caorle

[socoeto]

Benon mitica Caorle, se te vien anca doman sotto mexogiorno in centro te ne becchi che rifemo el tutto (e molto meio organixai) perchè ovviamente anca sabo dea vigilia non sona e campane

[mitica caorle]

Come xè 'ndada Socoeto ? No semo vegnui a Caorle ne sabo ne ancuo, se tuto va ben fasemo un salto doman

[socoeto]

A xè andada benon, venere i ne ga vardà mal tutti i foresti, ma sabo i se ga messo anca a farne foto!! Se ga fatto un repeton che i ne sentiva da nà parte a chealtra del centro sensa problemi!! Pecà che desso bisogna spettar el prossimo anno per rifarlo anca perchè se gavemo divertio da matti

[metius]

scusememem, no capisso.
 cossa ga fato socoeto?

[socoeto]

Metius, son andà insieme ad altri fioi in giro per el centro a far casin coe ribebe avvisando a gente che iera mexogiorno visto che e campane noe sona al venere e al sabo santo

[metius]

allora mi pare che ti ho visto passare in bici quella mattina

[mitica caorle]

ORO SOCOETO !!!

[Mat57]

Xeri masa bei da veder Socoeto, poi i fioi i gera proprio ciapai co i sigava"meso giorno pan in forno,se el xè coto damene un toco xe el xè cruo a sio là mesogiorno el xe xà pasà". Pò aea fine gò visto che geri ciapai ben anca daea fugasa do Kekko ah.........

[socoeto]

Sì non iera mal gnanca a fugassa

[carmenca]

Ah gavaria proprio vussuo vederve coe ribebe..... Xe proprio vero che in certe situassio se torna fioi e se se diverte più de eori. Anca mi co stago coiputei torno putea e me diverto tantissimo.
e ve igo anca bravi perchè no ghe xe gnente de più beo de far rivivee e nostre tradission

[socoeto]

Benon, vedo che a me (e non soo) inissiativa a xè stada accolta per ben anca se sul momento i ne ga vardà un fià mal i forsesti, ma chi se ne frega!! Al prossimo anno allora!