Dove seo andai ae elementari?

[carmenca]

Mi ae elementari son ndada aea Bafile coa maestra Turchetto e a bidea Cina che a gera a mama de un mio compagno di classe che se ciamava Giuliano el cognome no meo o ricordo più; me ricordo anca del maestro Castioni che el gera direttor o paron de un hotel in passegiata a mare ( quea de ponente) vissin al chiosco de Campagner.

[elmoromarieto]

Mi son andà aea Bafile in prima nel 1952 co a maestra Ernestina Fabris. Gero in classe co Jonny Verga, Berto Tita, Gnan Luigino Uter, a Fabiola mujer de Papi, e gemee Leonia e Lisa Benatelli, a Luisa Tartagnoni, Franco Gusso, Segato Sergio, Stefanutto Mario, Marchesan Gelindo, Renzo Trevisan, ecc.
A quei tempi gera pochi che andava ae medie aea fine dea quinta elementare, e alora par tigner i fioi ancora impegnai, co a scusa de prepararli ai esami de amission par e medie o par l'avviamento, che dopo no i ghe andava, i se ga inventà a sesta elementare ! E dovè saver che qualchedun la ga fatta anca do volte, parchè ae 4 de dopo magnà Rinaldo Fabris, che el gaveva un forno, el ghe portava a tutti i fioi, gratis, un panin co l'ua. Podemo dir che a Caorle ghe gera "fame de cultura" !
Ciao.